Mil veces

                                                            Escríbote mil veces
                                                            e mil veces te teño.
                                                            Zugo na túa terra,
                                                        bailo enriba do teu peito
                                                        no sutil ritmo do desexo.

                                                            É o teu corpo
                                                          o trazo que enche
                                                            a miña man,
                                                        a senda que me tenta
                                                        a caricia que procuro.

                                                           Escríbote mil veces
                                                         e outras tantas te teño.
                                                            Coa letra exacta
                                                            dos meus beizos,
                                                        coa tinta da miña lingua.
                                                            Escríbote enteiro.
                                                             Fágote poema.

                                                           Escríbote mil veces
                                                           e mil veces te teño...

                                                             E bailo enriba,
                                                          enriba do teu peito...

                                                                Asun Estévez