Desacougo

Inquietude...

Coitelo que esgaza o peito
lume que queima o sentir.
Desacougo...
Mágoa fonda.
Apenas agroma
e xa tenta fuxir....
Angustia...

Frío que emerxe dos desertos
vontade que mergulla na sombra
quimera perdida no tempo.

Es ti!
Que me desterras
que me does
me arrancas
me rompes e matas!
E fas de min
o que non debo
nin quero ser!

Asun Estévez (Noites, amenceres...e algo máis)