Asfixiada

ASFIXIADA

Asfixiada!
Nas paredes
Nos muros
Nos círculos que me rodean
No cordón umbilical do meu baleiro

Asfixiada!...
Nun arrepío interminable
Nunha realidade que camiña
a ningunha parte
Asfixiada!
No que non digo
No que sinto e conteño

Asfixiada!
Na inexpresión dun ollar
Na puñalada dun silencio

Asfixiada!
Nunha beira sen praia
Nunha morte anunciada
que se esqueceu de vivir!


Asun Estévez (Noites, amenceres...e algo máis)